Gateway to Ham Radio (old Malayalam article) chapter - 24

അദ്ധ്യായം 24 - ലീനിയർ ആമ്പ്ലിഫയർ സ്റ്റേജുകളെപ്പറ്റി

RF  ലീനിയർ ആമ്പ്ലിഫയറുകളേപ്പറ്റിയുള്ള പഠനം ഏതൊരു ഹോം ബ്രൂവർക്കും കൗതുകകരം. ലീനിയർ ആമ്പ്ലിഫയറിന്റെ പ്രവർത്തനം നന്നായിരിക്കണമെങ്കിൽ  ഓസിലേറ്ററിൽ നിന്നുള്ള സിഗ്നൽ ശുദ്ധവും സ്ഥിരതയുള്ളതും ആയിരിക്കേണ്ടതുണ്ട്. 7 Mhz നു മുകളിൽ ഹാം ബാന്റുകളിൽ വേരിയബിൾ ഓസിലേറ്ററുകൾ നിർമ്മിക്കുമ്പോൾ Pre-mixing രീതി അവലംബിച്ചാൽ സിഗ്നലിനു സ്ഥിരത കൂടും. താഴ്ന്ന ഫ്രീക്വൻസിയിലുള്ള ഒരു ഓസിലേറ്റർ സിഗ്നലിനെ കൂടിയ ഫ്രീക്വൻസിയിലുള്ള ഒരു ക്രിസ്റ്റൽ ഓസിലേറ്റർ സിഗ്നലുമായി മിക്സ് ചെയ്ത് ഒരു ബാന്റ് പാസ്സ് ഫിൽട്ടറിലൂടെ കടത്തിവിട്ട് കൂടിയ ഫ്രീക്വൻസി ലഭമാക്കുന്ന രീതിയാണു  Pre-mixing. കുറഞ്ഞ ചിലവിൽ മേന്മ നഷ്ടപ്പെടാതെ പരമാവധി ശക്തി വർദ്ധന ലഭ്യമാക്കുകയെന്ന ലക്ഷ്യത്തോടെ, വിവിധ ആമ്പ്ലിഫയർ സർക്യുട്ടുകൾ യഥേഷ്ടം ഉപയോഗിച്ച് കുറേ കഷ്ടനഷ്ടങ്ങളും വരുത്തി തൃപ്തികരമാണെന്ന് സ്വയം വിശ്വസിക്കുന്ന രീതിയിൽ ലീനിയർ ആമ്പ്ലിഫയറുകൾ രൂപകൽപ്പന ചെയ്യുന്ന രീതി മാറിയേ തീരൂ. 

R1 - 10 K, C1, C2, C4 - 0.01μF, C5 500 PF, X1 - 7MHz Crystal, S1- CW Key, L1 100μH, L2 - 45 turns of 26 SWG on 3/8” Dia.

ഒരു ട്രാൻസ്മിറ്ററിന് ഒന്നിലേറെ സ്റ്റേജുകൾ ഉണ്ടായിരിക്കണമെന്നു നിർബന്ധമുള്ള കാര്യമല്ല. ചിത്രം C-24/1 ൽ ഒരു ട്രാൻസിസ്റ്റർ മാത്രമുപയോഗിച്ചുള്ള  ഒരു 4W CW ട്രാൻസ്മിറ്റർ സർക്യൂട്ടും, ചിത്രം C-24/2ൽ ഒരു 10W വാൽവ് ട്രാൻസ്മിറ്ററിന്റെ സർക്യൂട്ടും കൊടുത്തിരിക്കുന്നു. സർക്യൂട്ടിൽ നിർദ്ദേശിച്ചിരിക്കുന്ന ആക്റ്റീവ് ഘടകങ്ങളുടെ മൂല്യത്തോടടുത്തു വരുന്ന ലഭ്യമായ ആക്റ്റീവ് ഘടകങ്ങൾ ഉപയോഗിച്ച് ഇവ നിർമ്മിക്കാവുന്നതേയുള്ളൂ. 

C-24/2 (Parts List)
V1	6AQS/6V6/807		C3	500PF
R1	47 KΩ		C4	0.01 μF
R2	27 KΩ		X1	7Mhz/3.5Mhz
R3	4.7 KΩ		S1	CW Key
C1	33PF		L1	40 Meters – 20 turns /80Meters - 35 turns (SWG 22 on 1/4” dia. air)
C2	120PF

ഇത്തരം സിങ്കിൾ സ്റ്റേജ് ട്രാൻസ്മിറ്ററുകളുടെ ഓസിലേഷനും ലോഡിങിനും ഒരേ ഘടകം തന്നെ ഉപയോഗിക്കപ്പെട്ടിരിക്കുന്നതിനാൽ ഹാർമോണിക് ജനറേഷനും, സെൽഫ് ഓസിലേഷനും സാദ്ധ്യത കൂടുതലാണ്. ഫലത്തിൽ ഔട്ട് പുട്ട് സിഗ്നൽ ഗുണമേന്മയുള്ളതായിരിക്കില്ല. ഓസിലേഷനൊരു സ്റ്റേജും ലോഡിങ്ങിനു മറ്റൊരു സ്റ്റേജും ഉപയോഗിച്ചാൽ ഈ പ്രശ്നം തീരും. ചിത്രം C-24/3 യിൽ അത്തരമൊരു സർക്യൂട്ട് കൊടുത്തിരിക്കുന്നു.

ഒരു RF ലീനിയർ ആമ്പ്ലിഫയറിൽ ട്രാൻസിസ്റ്ററുകളാണോ വാല്വുകളാണോ മെച്ചം? ഹൈവോൾട്ടേജ് സർക്യൂട്ടുകളും വലിപ്പം കൂടിയ വാൽവുകളും ചിലവേറിയ പവർ സപ്ലൈ സ്റ്റേജുകളുമുള്ള അപകടം പിടിച്ച വാൽവ്  സർക്യൂട്ടുകൾ ഒരു വശത്ത്, തൊട്ടാൽ പൊള്ളുന്ന വിലയുള്ള, അൽപ്പം പോലും സഹിഷ്ണതയില്ലാത്ത പവർ ട്രാൻസിസ്റ്ററുകൾ മറുവശത്ത്. ലോ ഫ്രീക്വൻസികളിൽ ട്രാൻസിസ്റ്ററുകൾ കാണിക്കുന്ന അച്ചടക്കം ഹൈ ഫ്രീക്വൻസികളിൽ പ്രതീക്ഷിക്കാനും വയ്യ. ഒരു ട്രാൻസിസ്റ്ററിന്റെ ഗെയിൻ ഫ്രീക്വൻസി കുറയുമ്പോൾ ഓരോ ഒക്ടേവിനും 6db വെച്ചു കൂടിക്കൊണ്ടിരിക്കുന്നതുകൊണ്ട് ലോ ഫ്രീക്വൻസി ഓസിലേഷൻ ഉണ്ടാവാനുള്ള സാദ്ധ്യത വളരെ കൂടുതലാണ്. ഫ്രീക്വൻസി കുറയുന്നതിനനുസരിച്ച് ഗയിൻ കുറക്കുന്ന ഡീജനറേറ്റീവ് ഫീഡ്ബാക്ക്, ട്രാൻസിസ്റ്ററുകളിൽ വേണ്ടി വരും. 

ഹാർമോണിക് ജനറേഷനാണ് ട്രാൻസിസ്റ്റർ ആമ്പ്ലിഫയറുകളുടെ മറ്റൊരു പ്രശ്നം. ഓരോ സ്റ്റേജിനു ശേഷവും ഹാർമോണിക് ഫിൽട്ടറുകളും ഡീകപ്ലിങ് സർക്യൂട്ടുകളും ഉപയോഗിക്കേണ്ടിവരുന്നു. ട്രാൻസിസ്റ്ററിന്റെ കളകറ്ററിനോടു ചേർന്ന് കളക്റ്ററിൽ നിന്നും ഗ്രൗണ്ടിലേക്കു കണക്റ്റു ചെയ്യുന്ന കപ്പാസിറ്ററുകൾ VHF/UHF ഘടകങ്ങളെ ഒഴിവാക്കാനുദ്ദേശിച്ചുള്ളതാണ്. ഓപ്പറേറ്റിങ് ഫ്രീക്വൻസിയിലുള്ള കളക്റ്റർ ഇമ്പിഡൻസിനേക്കാൾ എകദേശം പത്തിരട്ടി റിയാക്റ്റൻസുള്ള മൂല്യത്തിലുള്ള കപ്പാസിറ്ററുകൾ ഇതിനു വേണ്ടീ ഉപയോഗിക്കാം. പാരസൈറ്റിക് സപ്രസ്സർ സർക്യൂട്ടുകളും ഏറെ ആവശ്യമായി വരും. വാല്വുകളുടെ പ്ലേറ്റിനു സീരീസ്സിൽ ഒരു കോയിലും റസിസ്റ്ററും പാരലലായി ഉപയോഗിച്ചിരിക്കുന്നത് ശ്രദ്ധിച്ചിട്ടുണ്ടാവും. ഈ കോയിലിനെ പാരാസൈറ്റിക് സപ്രസ്സർ ചോക്ക് എന്നു വിളിക്കാം. ഏതാണ്ട് 10W നടുത്തു താഴെയുള്ള മൂല്യത്തിലുള്ള ഒരു non-inductive റസിസ്റ്റർ വേണം ഇവിടെ കോയിലിനു പാരലലായി ഉപയോഗിക്കാൻ. റസിസ്റ്ററിൽ കോയിൽ ചുറ്റുകയുമാവാം. 

C-24/3 (Parts List)
TR1	BC109		R4	4.7 Ω
TR2	2N3053		C1	0.01 μF
R1, R2	18 KΩ		C2, C3	100PF
R3	470 Ω		RFC1, RFC 2	100 μH
The values of L1, C4 and C5 depends upon the crystal frequency, the impedance of the power transistor and the Antenna impedance.

ഒരു വാട്ട് വരെ കൈകാര്യം ചെയ്യുന്ന ട്രാൻസിസ്റ്ററുകളുടെ ബേസിനും ക്കളക്റ്ററിനും സീരീസ്സായി താഴ്ന്ന (10-22 ഓംസ്) മൂല്യങ്ങളിലുള്ള റസിസ്റ്ററുകൾ സീരീസ്സായി ഘടിപ്പിച്ചാലും പാരസൈറ്റിക് സപ്രഷൻ നടക്കും.  ബെയിസ്/കളക്റ്റർ ലീഡുകളിൽ ഫെറൈറ്റ് ബീഡുപയോഗിക്കുന്നതും ഇതേ ഉദ്ദേശത്തോടെ തന്നെ. 

വാൽവ് സർക്യൂട്ടുകളിൽ സാധാരണയുണ്ടാകുന്ന പോസിറ്റീവ് ഫീഡ് ബാക്ക് ഒഴിവാക്കാൻ ഔട്ട് പുട്ട് സിഗ്നലിന്റെ വിരുദ്ധ ഫേസിലുള്ള സിഗ്നൽ ഭാഗം ശക്തി കുറച്ച് ഇൻപുട്ടിലേക്ക് ഫീഡ് ബാക്ക് ചെയ്ത് ന്യൂട്രലൈസേഷൻ നടത്താറുണ്ട്. ഇതു ബീറ്റാ കൂടിയ ട്രാൻസിസ്റ്ററുകളിലും ആവശ്യമായി വരും. വാൽവുകളുടേ ഔട്ട് പുട്ട്/ഇൻപുട്ട് ഇമ്പിഡൻസ് വളരെ ഉയർന്നതായതുകൊണ്ട് സ്റ്റേജുകളുടെ ഇടയിൽ Hi-Q സർക്ക്യൂട്ടുകൾ ഉപയോഗിക്കുവാൻ കഴിയും. കൂടിയ ഹാർമ്മോണിക് റിജക്ഷനും കൂടിയ സെലക്റ്റിവിറ്റിയും തന്മൂലം ലഭിക്കും. ട്രാൻസിസ്റ്ററുകളുടെ കാര്യം നേരെ മറിച്ചാണ്. ട്രാൻസിസ്റ്ററുകളുടെ എമിറ്ററിനു സീരീസ്സായി കൊടുക്കുന്ന താഴ്ന്ന മൂല്യത്തിലുള്ള റസിസ്റ്റർ (unbypassed emiter) ഉണ്ടാക്കുന്ന ഡീ ജനറേടീവ് എഫക്റ്റ്  സിഗ്നൽ സ്ഥിരത വർദ്ധിപ്പിക്കാൻ കാരണമാവുകയും thermal run away മൂലം ട്രാൻസിസ്റ്റർ നശീക്കാതെ സംരക്ഷിക്കുകയും ചെയ്യും. 

C-24/4 (Parts List)
TR1	2N918		R4	6.8 KΩ		C6	100PF Trimmer
TR2	2N3353		R6	100 Ω		C7	350PF
TR3	BFY51		VR1	1 KΩ		C8	0.001 μH
R1	27 KΩ		C1	0.01 μF		C10	500PF
R2	22 KΩ		C2, C9	0.1 μF
R3, R5	1 KΩ		C3, C4, C5	0.01 μF
L1	30 turns of SWG 28 on T-50-2 Toroid. Tapping after 9 turns.
L2	4 turns over L1
L3	25 turns of SWG 22 on T-50-2 Toroid
L4	6 turns over L3
L5	6 Turns

ഒരു സ്റ്റേജിന്റെ ഔട്ട് പുട്ടും മറ്റൊരു സ്റ്റേജിന്റെ ഇൻപുട്ടും കൃത്യമായി മാച്ചായിരുന്നാലെ പരമാവധി power transfer നടക്കൂ. സ്റ്റബിലിറ്റി വർദ്ധിപ്പിക്കാൻ deliberate mismatch സർക്യൂട്ടുകൾ ചെയ്യുന്നവരുമുണ്ട്. ഈ മിസ് മാച്ചിങ് പ്രശ്നം ട്രാൻസിസ്റ്ററുകളെ നന്നായി ബാധിക്കും. റേഷ്യോ (VSWRനെപ്പറ്റി വിശദമായി പിന്നീടു പറയും) 1:2 വിൽ കൂടിയിരുന്നാൽ ഔട്ട് പുട്ട് ട്രാൻസിസ്റ്റർ തകരാറാവാൻ സാദ്ധ്യറ്റഹ് വലരെ കൂടുതലാണ്. പവർ ട്രാൻസിസ്റ്ററുകളുടെ ഔട്ട് പുട്ടിൽ മാച്ചിങ് സർക്യൂട്ടും SWR പ്രൊട്ടക്ഷൻ സർക്യുട്ടും നിർബന്ധമാണ്. 100W നു മുകളിൽ വാൽവ് തന്നെയാനുചിതമെന്നു പറയാൻ തൊക്കെത്തന്നെ കാരണങ്ങൾ. ഡ്രൈവർ സ്റ്റേജ് വരെ ട്രാൻസിസ്റ്ററുകളും ഔട്ട്പുട്ടിൽ വാല്വും ഉപയോഗിഗിക്കുന്ന ഹൈബ്രിഡ് സർക്യൂട്ടുകൾ  ഹോം ബ്രൂവേഴ്സും സ്വീകരിക്കാറുണ്ട്, FT101 പോലുള്ള കൊമ്മേഴ്സ്യൽ ട്രാൻസീവറുകളിലും കാണാറുണ്ട്. 

ലീനിയർ ആമ്പ്ലിഫയർ സ്റ്റേജുകൾ ഫ്രീക്വൻസി മൾട്ടിപ്ലിക്കേഷന് ഉപയോഗിക്കാതിരിക്കുകയാണുചിതം. ക്ലാസ്സ് C യിൽ പ്രവൃത്തിക്കുന്ന സർക്യുട്ടുകളിൽ സിഗ്നൽ  CW ആണെങ്കിൽ ഇതു പക്ഷേ  പരിഗണിക്കാം. ട്രാൻസിസ്റ്ററുകൾക്കാവശ്യമായ ഹീറ്റ്സിങ്ക് പ്രശ്നം സൃഷ്ടിക്കുന്ന മറ്റൊരു വസ്തുതയാണ്. ഹൈ പവർ ട്രാൻസിസ്റ്ററുകളെ തണുപ്പിക്കാൻ കൂളിങ് ഫാനുകൾ തന്നെ വേണ്ടിവരും. എങ്കിലും കുറഞ്ഞ പവർ ട്രാൻസ്മിറ്ററുകൾക്ക് ട്രാൻസിസ്റ്ററുകൾ തന്നെയാണുചിതം. C-24/4 ൽ ഒരു 8W 80M ട്രാൻസ്മിറ്ററിന്റെ സർക്യൂട്ട് കൊടുത്തിരിക്കുന്നു. 

അദ്ധ്യായം 23                                                                                       അദ്ധ്യായം 25

Gateway to Ham Radio (old Malayalam article) chapter - 23

അദ്ധ്യായം 23 - RF പവർ ആമ്പ്ലിഫയർ (തുടർച്ച)

RF ആമ്പ്ലിഫയറുകളുടെ ഔട്ട് പുട്ട് സിഗ്നൽ ലെവൽ നിയന്ത്രിക്കാൻ SSB ട്രാൻസിസ്റ്ററുകളിൽ സോഴ്സ് സ്റ്റേജുകളിലാണു ക്രമീകരണങ്ങൾ ചെയ്തിരിക്കുന്നതെന്നു സൂചിപ്പിച്ചല്ലോ. RF ലീനിയർ ആമ്പ്ലിഫയറുകളിലാണെങ്കിൽ സിഗ്നൽ അറ്റന്വേഷൻ നടത്തിയും ആക്റ്റീവ് സ്റ്റേജുകളുടെ ഗയിൻ കുറച്ചുമാണ് ലവൽ കണ്ട്രോൾ സ്ഥാപിക്കുന്നത്. മികച്ച ട്രാൻസ്മിറ്റർ ഫൈനൽ സർക്യൂട്ടുകളിൽ AGC തന്നെ ഉപയോഗിക്കാറുണ്ട്. ഓരോ സ്റ്റേജിലും പ്രത്യേകം ഡീജനറേറ്റീവ് ഫീഡ് ബാക്ക് സർക്ക്യൂട്ടുകൾ RF ആമ്പ്ലിഫയർ സ്റ്റേജുകളിൽ (പ്രത്യേകിച്ചു സോളിഡ് സ്റ്റേറ്റ് ആമ്പ്ലിഫയറുകളിൽ) ആവശ്യമാണ്. ട്രാൻസിസ്റ്ററിനുള്ളിൽ ഇന്റർ ഇലക്ട്രോഡ് കപ്പാസിറ്റൻസുള്ളതുകൊണ്ടും അത്തരം റീജനറേറ്റീവ് ഫീഡ്ബാക്ക് ട്രാൻസിസ്റ്ററിന്റെ നാശത്തിനു തന്നെ കാരണമായേക്കാവുന്നതുകൊണ്ടും ഉള്ളിലൂടെയുണ്ടാവുന്ന ഫീഡ് ബാക്ക് ക്യാൻസൽ ചെയ്യുവാൻ എക്സ്റ്റേറ്റ്ണൽ സർക്യൂട്ടിലൂടെ കൊടുക്കുന്ന ഡീജനറേറ്റീവ് ഫീഡ് ബാക്കിനു കഴിയും. 

ചില ട്രാൻസിസ്റ്ററുകളിൽ പ്രോട്ടക്ഷൻ സർക്യുട്ട് ഉള്ളിൽ തന്നെയുണ്ടാവും. വാൽവുകളിൽ ഇന്റർ ഇലക്ട്രോഡ് കപ്പാസിറ്റൻസ് പൂർണ്ണമായും ക്യാൻസൽ ചെയ്യാൻ മേൽപ്പറഞ്ഞ രീതിയിലുള്ള ഫീഡ്ബാക്ക് സർക്യൂട്ടിനു കഴിയും. 

ലീനിയർ ആമ്പ്ലിഫയർ സ്റ്റേജുകളിലാണെങ്കിലും, അനാവശ്യ ഫ്രീക്വൻസികൾ കടന്നു വരാം. ഇവയെ ഒഴിവാക്കാൻ SSB Tx മിക്സർ സ്റ്റേജിൽ ഉപയോഗിച്ചതുപോലുള്ള വേവ് ട്രാപ്പുകൾ പ്രയോജനപ്പെടുത്താം. പാരലൽ റ്റൂൺഡ് ട്രാപ്പുകളും സീരീസ്സ് റ്റ്യൂൺഡ് ട്രാപ്പുകളും രണ്ടു കൂടി ചേർന്നതും പലപ്പോഴും ആവശ്യമായി വരും. ചിത്രം C-23/1ൽ ഈ രണ്ടുതരം ട്രാപ്പുകളുടേയും ചിത്രങ്ങൾ കൊടുത്തിരിക്കുന്നു. ഇൻപുട്ടിൽ കൊടുക്കുന്ന ഫ്രീക്വൻസി എന്തായിരുന്നാലും അനാവശ്യ സിഗ്നലുകളൊന്നും ഔട്ട് പുട്ടിൽ എത്തില്ല. RF ലീനിയർ ആമ്പ്ലിഫയർ സ്റ്റേജുകളിൽ 'സിങ്കിൾ എന്റഡ്' സ്റ്റേജുകൾ മാത്രമല്ല അഭികാമ്യം. കാസ്കോഡ് ആമ്പ്ലിഫയറുകൾക്ക് ന്യുട്രലൈസേഷൻ സർക്യൂട്ടുകൾ ആവശ്യമില്ലെന്നു മാത്രമല്ല നോയിസ് ലെവൽ കുറവും സ്റ്റേജ് ഗയിൻ കൂടുതലുമാണ്. 

ചിത്രം C-23/2ൽ വാൽവ് - ട്രാൻസിസ്റ്റർ കാസ്കോഡ് രീതി കാണിച്ചിരിക്കുന്നു. ഒന്നിനു പിന്നാലെ മറ്റൊന്നായി കുറെയേറെ ആമ്പ്ലിഫയർ സറ്റേജുകളും റ്റ്യൂൺഡ് സർക്യൂട്ടുകളും ചേർത്ത് നാരോ ബാന്റ് ലക്ഷ്യമാക്കിയുള്ള കാസ്കേഡ് രീതിയും ആദ്യം പറഞ്ഞ കാസ്കോഡ് രീതിയും (cascade and cascode) രണ്ടാണെന്നും ശ്രദ്ധിക്കുക. 

RF ആമ്പ്ലിഫയറുകളുടെ ഔട്ട് പുട്ട് റ്റ്യൂൺഡ് സർക്യൂട്ട്, ഇൻപുട്ട് ഫ്രീക്വൻസിയുടെ ഹാർമോണിക്കുകൾക്കു റ്റ്യൂൺഡായിരുന്നാൽ ഫ്രീക്വൻസി മൾട്ടിപ്ലയിങ് നടക്കും. ഇൻപുട്ട് ഫ്രീക്വൻസിക്കു തന്നെ ഔട്ട് പുട്ട് സർക്യൂട്ട് റ്റ്യൂൺഡ് ആയിരിക്കുമ്പോൾ ലഭിക്കുമായിരുന്നതിന്റെ 60% നടുത്ത് മാത്രമാവും 2nd ഹാർമോണിക്കിന്റെ ശക്തി. 3rd  ഹാർമോണിക്കാവുമ്പോൾ അതു വീണ്ടും കുറയും. ഈ കുറവു പരിഹരിക്കാൻ പുഷ്-പുൾ ഡബ്ലർ സർക്യൂട്ടുകൾക്കു കഴിയും (ഉദാ: ഫുൾ വേവ് റക്റ്റിഫയർ സ്റ്റേജിലെ റിപ്പിൾ ഫ്രീക്വൻസി). 

RF  ലീനിയർ ആമ്പ്ലിഫയറുകൾ ഗയിൻ കുറഞ്ഞ ക്ലാസ്സ് A യിൽ പ്രവർത്തിപ്പിക്കാറേയില്ല. ഔട്ട് പുട്ട് ടാങ്ക് സർക്യൂട്ടിന്റെ ഫ്ലൈവീൽ എഫക്റ്റിലൂടെ ട്രാൻസ്മിഷനു മുമ്പ് സിഗ്നലിന്റെ നഷ്ടപ്പെട്ട ഭാഗം വീണ്ടെടുക്കുകയാണു ചെയ്യുന്നത്.  കാരിയറും ഓഡിയോയും ലോ ലെവൽ മോഡുലേഷൻ നടത്തുന്ന സാഹചര്യത്തിൽ ഓഡിയോ എൻവലപ്പിനെ നഷ്ടപ്പെടാതെ ഫൈനലിൽ എത്തിക്കണമെങ്കിൽ ലീനിയർ ആമ്പ്ലിഫയർ സ്റ്റേജുകൾ ക്ലാസ്സ് C  യിൽ പ്രവർത്തിപ്പിക്കുകയും ഫൈനൽ പവർ ആമ്പ്ലിഫയർ സ്റ്റേജിൽ ഓഡിയോ പ്ലേറ്റ് മോഡുലേഷനു വിധേയമാക്കുകയുമാണു വേണ്ടത്. 



ഇവിടെ ഓഡിയോ ഔട്ട് പുട്ട് പവർ പ്രായേണ കൂടുതലായിരിക്കേണ്ടതുകൊണ്ട് ലോ, മീഡിയം ലെവൽ മോഡുലേഷനാണ് കൂടുതൽ വ്യാപകം. ലോ പവർ ട്രാൻസ്മിറ്ററുകളിൽ ലോ ലെവൽ ട്രാൻസ്മിഷൻ കാര്യമായ പ്രശ്നങ്ങൾ ഉണ്ടാക്കുന്നില്ലായെന്നതാണു ശരി. ചിത്രം C-23/3ൽ ലോ ലെവൽ മോഡുലേഷനുള്ള ഒരു സർക്യൂട്ട് കൊടുത്തിരിക്കുന്നു.

പവർ കുറഞ്ഞ QRP ട്രാൻസ്മിറ്ററുകളിൽ പവർസപ്ലൈ ലൈൻ മോഡുലേറ്റ് ചെയ്യുക വഴി കാര്യറിനെ ഉപയോഗപ്പെടുത്തുന്ന രീതിയാണു വ്യാപകം. തത്ത്വത്തിൽ ഇതും പ്ലേറ്റ് മോഡുലേഷൻ രീതി തന്നെ. 
ഒരു QRP സർക്യുട്ടിനാവശ്യമായ മോഡുലേറ്റർ സർക്യൂട്ട് PCB ലേ ഔട്ട് സഹിതം   ചിത്രം C-23/4 ൽ കൊടുത്തിരിക്കുന്നു. 

സാധാരണ ഒരു QRP ട്രാൻസ്മിറ്റർ (AM) സ്റ്റേജുകളാണ് ചിത്രം C-23/5 ൽ കൊടുത്തിരിക്കുന്നത്. ഇതിലെ RF ആമ്പ്ലിഫയർ സർക്യുട്ടൊഴിച്ചു ബാക്കിയെല്ലാത്തിനേയും പറ്റി, വിവിധ അദ്ധ്യായങ്ങളിലായി വിശദീകരിച്ചിരുന്നു. 

C-23/3 (Parts List)			C-23/4 (Parts List) Contd.
TR1	BF966		R5	33 Ω
R1, R2	100 KΩ		R6	180 KΩ
R3	100 Ω		R7	56 Ω
R4	1 KΩ		R8	1 Ω/1W
VR1	10 KΩ		R9	100 Ω
C1, C2	0.001μF		VR1	47 KΩ Preset
C3, C6	100PF		VR2	10 KΩ LOG
C4	0.1 μF		C1, C6	0.01 μF
C5	100MFD/25V		C2, C11, C14	0.1 μF/250V
M	Microphone		C3, C7, C8, C12	100MFD/12V
C-23/4 (Parts List)			C4	0.001 μF
			C5	4.7MFD/40V
IC1	TBA 810		C9	6.6KPF
TR1	BEL 148		C10	1KPF
R1	2.2KΩ		C13, C15	1000MFD/25V
R2	560 Ω
R3, R4	1 KΩ

ട്രാൻസ്മിറ്റർ ഏതു രീതിയിലുള്ളതായിരുന്നാലും ശരിയായ രീതിയിൽ പൂർണ്ണമായ് പവർ ട്രാൻസ് ഫർ  സാധിക്കണമെങ്കിൽ മികച്ചതും ഫൈനൽ സ്റ്റേജുമായി മാച്ച് ചെയ്യുന്നതുമായ ആന്റിനാ ഏതു രീതിയിലുള്ളതാണെങ്കിലുമീ മാച്ചിങ് സാദ്ധ്യമാക്കാതെ ട്രാൻസ്മിഷനു ശ്രമിച്ചാൽ ഏറെ പ്രശ്നങ്ങൾ ഉണ്ടാവാം. ആദ്യം RF ആമ്പ്ലിഫയറുകളെ മനസ്സിലാക്കാം. അതു കഴിഞ്ഞ് ആന്റിനാകളേപ്പറ്റിയും വിശദമായി മനസ്സിലാക്കാം.

അദ്ധ്യായം 22                                                                                അദ്ധ്യായം 24

Gateway to Ham Radio (old Malayalam article) chapter - 22

അദ്ധ്യായം 22 - SSB ലീനിയർ സ്റ്റേജുകളെപ്പറ്റി

ഒരു SSB ട്രാൻസ്മിറ്ററിന്റെ മിക്സർ സ്റ്റേജിൽ നിന്നും പുറത്തു വരുന്ന സൈഡ് ബാന്റ് സിഗ്നൽ, ആന്റിനാവരെ എത്തിക്കുന്ന ലീനിയർ ആമ്പ്ലിഫയർ രൂപകൽപ്പന ചെയ്യുമ്പോഴും വളരെ കാര്യങ്ങൾ ശ്രദ്ധിക്കാനുണ്ട്. ആദ്യം, വാൽവുകളാണോ ട്രാൻസിസ്റ്ററുകളാണോ ആക്റ്റീവ് ഘടകങ്ങളായി ഉപയോഗിക്കേണ്ടതെന്നു നിശ്ചയിക്കുക. കൂടുതൽ പവർ, ഔട്ട് പുട്ടിൽ ലഭ്യമാക്കാനും മെച്ചപ്പെട്ട ഹാർമോണിക് സപ്രഷൻ ലഭിക്കാനും സർക്യൂട്ട് പോരായ്മകൾക്കൊണ്ടോ പ്രവർത്തന പരിചയക്കുറവുകൊണ്ടോ എളുപ്പത്തിൽ തകരാറുണ്ടാവാതിരിക്കാനും വാൽവുകൾ മെച്ചം. FT 101 പോലുള്ള കൊമേഴ്സ്യൽ ട്രാൻസീവറുകളുടെ ഫൈനൽ സ്റ്റേജുകളിൽ വാൽവുകളാണുപയോഗിച്ചിരിക്കുന്നത്. എളുപ്പത്തിൽ ലഭ്യമല്ലായെന്നതും, ഇപ്പോൾ നിർമ്മിക്കപ്പെടുന്നില്ലെന്നുള്ളതും, താരതമ്യേന വലിപ്പവും ചൂടും കൂടുതലാണെന്നുള്ളതും, പൊട്ടിപ്പോകാൻ സാദ്ധ്യതയുണ്ടെന്നുള്ളതും, പ്രവർത്തിപ്പിക്കാൻ ഹൈ വോൾട്ടേജ് ആവശ്യമുണ്ടെന്നതും ചിലവേറിയ പവർ സപ്ലൈ ആവശ്യമായി വരുമെന്നതും, മോഡ്യൂളിന്റെ വലിപ്പം കൂടിയിരിക്കുമെന്നതും കൂടിയ ഫ്രീക്വൻസി മികച്ച ട്രാൻസ് കണ്ടക്റ്റൻസിൽ  കൈകാര്യം ചെയ്യപ്പെടുന്നില്ലെന്നതുമൊക്കെ വാൽവിന്റെ പോരായ്മകളാണ്. ഈ പോരായ്മകളാണ് ട്രാൻസിസ്റ്ററുകളുടെ മികവ്. പക്ഷേ, എല്ലാ മുൻകരുതലുകളും ശ്രദ്ധയോടെ എടുത്തില്ലെങ്കിൽ ഒരു നിമിഷം മതി ഫൈനൽ ട്രാൻസിസ്റ്റർ സമാധിയടയാൻ.

C-12/3 Parts List
V1	7094		M2	0-20mA
R1	120 Ω/2W		L1	84mH 600mA
C1, C2	0.01 MF/1000V		L2	3 turns of 14 SWG wire on two120 Ω/2W resistors connected in parallel
C3, C4	0.005 MF/1000V
C5, C6, C8	1000PF/5000V
C7	7-250PF Variable		L3	500mA
C9	1000PF Variable		L4	2.5mH/200 mA
M1	0.30mA		TC	14SWG

SSB ട്രാൻസ്മിറ്റർ ഉപയോഗിച്ചു വിദേശ-സ്വദേശ സ്റ്റേഷനുകളെ ഉൾക്കൊള്ളിച്ചു നടത്തിയ റിസപ്ഷൻ ടെസ്റ്റിൽ 5W മുതൽ 15W വരെയും 15W മുതൽ 40W വരെയും തുടർന്നു 150W വരെയും ട്രാൻസ്മിഷൻ പവർ ഉപയോഗിക്കുമ്പോൾ റിസീവറിന്റെ 'S' മീറ്റർ വ്യത്യാസപ്പെടുത്തിയില്ലായെന്നു കണ്ടു. സാധാരണ അന്തരീക്ഷ സ്ഥിതിയിൽ, വെറും 15W കൊണ്ട് ഉദ്ദേശിക്കുന്ന കോണ്ടാക്റ്റുകളുടെ 75%വും സാദ്ധ്യമാണെന്നു മറ്റൊരു പരീക്ഷണത്തിൽ കണ്ടു. ഔട്ട് പുട്ട് പവർ എത്ര കൂട്ടിയാലും 100 % മാനം കോണ്ടാക്റ്റുകളും പ്രായേണ സാദ്ധ്യമല്ലെന്നുള്ളതും, പ്രതികൂല സാഹഹര്യങ്ങളെ മുഴുവൻ അതിജീവിച്ച് കോണ്ടാക്റ്റുകൾ സാദ്ധ്യമാക്കാൻ ചിലവേറിയ റൊട്ടേറ്റർ ടൈപ്പ്  ഡയറക്ഷണൽ ആന്റിനാകളും ആന്റിനാ റ്റൂണറുകളും ആന്റിനാ ടവറുകളുമൊക്കെ ചിലപ്പോൾ ആവശ്യമായി വരുമെന്നും കാണണം. മറ്റൊരു സുപ്രധാന കാര്യം, സാധാരണ കോണ്ടാക്റ്റുകൾക്ക്, ഹൈ പവർ ട്രാൻസ്മിറ്ററുകളെ സംബന്ധിച്ചിടത്തോളം, ആവശ്യത്തിലേറെ പവർ ഉപയോഗിക്കപ്പെടുന്നുവെന്നുള്ളതാണ്. ഒരു ലിസണർക്ക് BFO ഉപയോഗിച്ച് റിസോൾവ് ചെയ്യാൻ ബുദ്ധിമുട്ടുണ്ടാക്കിയേക്കാവുന്ന ഒരു സിഗ്നൽ പ്രക്ഷേപണം ചെയ്യാൻ സാധിച്ചുവെന്നതായിരിക്കാം ആകെ നേട്ടം.

ഒരു ട്രാൻസ്മിറ്റർ, അന്തർദ്ദേശീയ നിയമം അനുവദിക്കുന്ന പരമാവധി പവർ അന്തരീക്ഷത്തിലേക്കു തള്ളിയാലും, 'ബ്ലാക്ക് ഔട്ട്' പോലുള്ള പ്രത്യേക സാഹചര്യങ്ങളിലും സോളാർ സൈക്കിൾ പ്രതികൂലമായിരിക്കുമ്പോഴുമൊക്കെ നിരാശയായിരിക്കും ഫലം. ഇത്തരം വെല്ലുവിളികളെ  നേരിടാൻ കൊമേഴ്സിയൽ ട്രാൻസീവറുകളിലെ ചില സാദ്ധ്യതകൾ ഉപകാരപെട്ടേക്കാമെന്നേയുള്ളൂ. ഇതെല്ലാം കണക്കിലെടുത്തു ലേഖകനൊരഭിപ്രായം പറഞ്ഞാൽ 12 V ൽ 25W പവറുള്ള ഒരു സോളിഡ് സ്റ്റേറ്റ് SSB ട്രാൻസ്മിറ്ററിൽ ഒരു ഹോംബ്രൂവർക്ക് കൊമ്പ്രമൈസ് ചെയ്യാം. ചിത്രം C-22/1 ൽ ഒരു 500W ഔട്ട് പുട്ടിൽ ലഭിക്കുന്ന ഒരു സിങ്കിൾ വാൽവ് ട്രാൻസ്മിറ്റർ ഫൈനൽ സ്റ്റേജിന്റെ സർക്യുട്ട് കൊടുത്തിരിക്കുന്നു. ഇതിന്റെ ഇൻപുട്ടിൽ 15W സിഗ്നലാണു വേണ്ടത്. ഇൻപുട്ടും ഔട്ട് പുട്ടും കണക്റ്റ് ചെയ്യാതെ ഇതു പ്രവർത്തിപ്പിക്കാൻ പാടില്ല. 

ഇനി ശ്രദ്ധിക്കേണ്ട വേരൊരു കാര്യം ലീനിയർ ആമ്പ്ലിഫയറിൽ ഉപയ്യോഗിക്കുന്ന ആക്റ്റീവ് കോമ്പൊണന്റുകളുടെ FT, കൈകാര്യം ചെയ്യപ്പെടുന്ന ഫ്രീക്വൻസിയുടെ പത്തിരട്ടിയിലേറെ ആയിരുന്നാലും  മൾട്ടി ബാന്റ് ട്രാൻസ്മിറ്ററുകളുടെ കാര്യത്തിൽ താഴ്ന്ന ഫ്രീക്വൻസികളിൽ ഗെയിൻ കൂടിയും, കൂടിയ ഫ്രീക്വൻസികളിൽ ഗെയിൻ കുറഞ്ഞുമിരിക്കും. പ്രീ ഡ്രൈവർ സ്റ്റേജുകൾ ബ്രോഡ്ബാന്റ് സ്റ്റൈലിലാണെങ്കിൽ ഈ പോരായ്മ ഫൈനലിൽ അനുഭവപ്പെടാതിരിക്കാൻ ഇൻപുട്ട് സിഗ്നൽ സ്ട്രെങ്ത്ത് ആനുപാതികമായി വ്യത്യാസം വരുത്തുന്നതിലൂടെ കുറെയൊക്കെ പരിഹരിക്കാം. 

ഒരു സിങ്കിൾ ബാന്റ് ട്രാൻസ്മിറ്ററാണ് അസ്സംബിൾ ചെയ്യാൻ ഏറെയെളുപ്പം. ഏതു ബാന്റിലുള്ളതായിരിക്കണം, അതെന്നും അല്ലെങ്കിൽ ഏതെല്ലാം ബാന്റുകളിലുള്ള ട്രാൻസ്മിറ്ററാണു വേണ്ടതെന്നും തീരുമാനിക്കുമ്പോൾ അനുബന്ധ ഘടകങ്ങൾ ശ്രദ്ധാപൂർവ്വം കരുതേണ്ടതുണ്ട്. ഒരു RF ആമ്പ്ലിഫയർ ഡിസൈൻ ചെയ്യുമ്പോൾ നാം ചെയ്യുന്നതു നമുക്കു പരമാവധി പ്രയോജനപ്പെടണമെന്നുള്ളതുകൊണ്ടാണ് ഇവയും സൂചിപ്പിക്കുന്നത്. RF ലീനിയർ ആമ്പ്ലിഫയറുകളെപ്പറ്റിയുള്ള പഠനം ഭാഗികമായി റ്റ്യൂൺഡ് സർക്യൂട്ടുകളെപ്പറ്റിയുള്ളതാണെന്നു പറയാം. ഓരോ ആക്റ്റീവ് സ്റ്റേജിന്റെയും ഇൻപുട്ടിലും ഔട്ട് പുട്ടിലും റ്റ്യൂൺഡ് സർക്യൂട്ടുകൾ സാധാരണയാണ്. ഈ റ്റ്യൂൺഡ് സർക്യൂട്ടിന്റെ ഇമ്പിഡൻസും ആക്റ്റീവ് ഘടകത്തിന്റെ ഇമ്പിഡൻസും പരസ്പരം ബന്ധപ്പെടുന്ന ഭാഗത്തു മാച്ച് ചെയ്തിരിക്കണം. ഗ്രൗണ്ടഡ് എമിറ്റർ/ഗ്രൗണ്ടഡ് ബെയിസ് ആമ്പ്ലിഫയറുകളിൽ ട്രാൻസിസ്റ്റർ ആണെങ്കിൽ, ഇമ്പിഡൻസ് വളരെ താഴെയായിരിക്കുന്നതു കൊണ്ട് റ്റ്യുൺഡ് സർക്യൂട്ടുകളിൽ ടാപ്പിങ്ങുകൾ ആവശ്യമായി വരും. ചിത്രം C-22/2  ൽ കുറേ ഉദാഹരണങ്ങൾ കാണിച്ചിരിക്കുന്നു. 

RF ആമ്പ്ലിഫയറുകളുടെ ബാന്റ് വിഡ്ത്ത് നിർണ്ണയിക്കുമ്പോൾ ഇതു കൂടിയിരുന്നാൽ സെലക്റ്റീവിറ്റി കുറയുമെന്ന കാര്യവും ഓർമ്മയിൽ വേണം.  മൾട്ടി ബാന്റ് ട്രാൻസ്മിറ്ററുകളിൽ 3.5Mhz വരെ ആംമ്പ്ലിഫൈ ചെയ്യുന്ന  രീതിയിലുള്ള ലീനിയർ ആമ്പ്ലിഫയർ (മറ്റു പല സൗകര്യങ്ങളേയും പരിഗണിച്ച്) ഉപയോഗിക്കപ്പെടാറുണ്ട്. ഇവ ബ്രോഡ് ബാന്റ് ഗണത്തിപ്പെടും. RF ആമ്പ്ലിഫയറുകളായി ട്രയോഡ് വാൽവുകൾ ഉപയോഗിക്കുന്നതുകൊണ്ട് നോയിസ് കുറഞ്ഞിരിക്കും; പക്ഷേ ഗയിൻ കൂടുതൽ പെന്റോഡുകൾക്കു തന്നെ. ട്രയോഡുകളിലെ ഇന്റർ എലക്ട്രോഡ് കപ്പാസിറ്റൻസ് പോസിറ്റീവ് ഫീഡ്ബാക്കിനും തദ്വാരാ ഓസിലേഷനും കാരണമായേക്കാമെന്നതുകൊണ്ട്  അവ ഗയിൻ കുറഞ്ഞ ഗ്രൗണ്ടഡ് ഗ്രിഡ് ആമ്പ്ലിഫയറുകളായി ഉപയോഗിക്കപ്പെടുന്നു. ഇന്റർ ഇലക്ട്രോഡ് കപ്പാസിറ്റൻസ് കൊണ്ടുണ്ടാക്കാവുന്ന ന്യൂനതകൾ പരിഹരിക്കാൻ ഇന്റേണൽ ഫീഡ് ബാക്ക് സിഗ്നലിന്റെ അതേ ആമ്പ്ലിറ്റ്യൂഡിലുള്ള,  എന്നാൽ ഫേസിൽ വിരുദ്ധമായ ഒരു സിഗ്നൽ ഔട്ട് പുട്ടിൽ നിന്ന് ഇൻപുട്ടിലേക്കോ അല്ലെങ്കിൽ കാഥോഡിലേക്കോ (എമിറ്റർ) കൊടുത്താൽ മതി. ട്രാൻസിസ്റ്ററുകളിലാണെങ്കിൽ ഫീഡ് ബാക്ക് പ്രശ്നങ്ങൾ കുറക്കാൻ മാത്രമേ ഇതിനു കഴിയൂ. ഇതിനെ ന്യൂട്ട്രലൈസേഷൻ എന്നു വിളിക്കും. ന്യൂട്രലൈസേഷൻ ഇല്ലായെങ്കിൽ ട്രാൻസിസ്റ്ററുകളിൽ സിഗ്നൽ ഡിസ്റ്റോർഷനും വാല്വുകളിൽ സെൽഫ് ഓസിലേഷനും ഉണ്ടാവും. 

അദ്ധ്യായം 21                                                                അദ്ധ്യായം 23

Gateway to Ham Radio (old Malayalam article) chapter - 21

അദ്ധ്യായം 21 - SSB മിക്സറുകൾ

SSB ട്രാൻസീവേഴ്സ് എന്നു കേൾക്കുമ്പോഴേ പലർക്കും ഭയമാണ്. പക്ഷേ, ഇതു വളരെ വിജയകരമായി പ്രവൃത്തിപ്പിക്കുന്ന നിരവധി ഹാമുകളുണ്ട്. ഹാം ഉപകരണങ്ങൾ, അതെന്തായാലും ശ്രദ്ധയോടെ ചെയ്യാൻ സഹായിക്കുകയെന്ന ലക്ഷ്യത്തോടെയാണ് ഈ വിശദീകരണങ്ങളെല്ലാം. AM ട്രാൻസ്മിറ്ററുകൾ കൂടുതൽ ബാന്റ് വിഡ്ത്ത് ആവശ്യപ്പെടുന്നതും, കാര്യക്ഷമതയിൽ ഏറെ പിന്നിൽ നിൽക്കുന്നുവെന്നതുമാണ് SSB യൊട് പ്രിയം വർദ്ധിക്കാൻ കാരണം. വെറും ഒരു വാട്ട് ഔട്ട് പുട്ട് പവറുള്ള സോളിഡ് സ്റ്റേറ്റ് SSB ട്രാൻസ്മിറ്ററുപയോഗിച്ച് റക്ഷ്യാ, തയ്വാൻ, മാല ദ്വീപുകൾ, ശ്രീലങ്കാ  മുതലായ രാജ്യങ്ങളുമായി 59 റിപ്പോർട്ടോടെ QSO കൾ നടത്താൻ ഈ ലേഖകനു കഴിഞ്ഞിട്ടുണ്ട്. ദക്ഷിണേന്ത്യാ മുഴുവൻ ബന്ധപ്പെടാൻ ഈ ലേഖകനാവശ്യമായി വന്നത് വെറും .5 വാട്ട് ഔട്ട് പുട്ട് പവർ മാത്രം. 

Parts List:  C-21/1
TR1	BC109		R3	30 Ω		R6	22 KΩ
D1, D2	IN4148		R4	22 KΩ		C1- C7, C9 - C11	0.01 μF
R1, R2	5.6 KΩ		R5, R7 - R11	1 KΩ		C8	22PF Trimmer
RFC1	100 turns of 40 SWG on 1cm IFT drum (open)
Note:	Filter circuit is shown as usable in both receiving and transmitting modes.

SSB ട്രാൻസ്മിറ്ററിൽ ഒരു കോമൺ ക്രിസ്റ്റൽ 
ഓസിലേറ്ററാണുള്ളതെങ്കിൽ LSBയും USB യും പ്രത്യേകം എക്സൈറ്ററുകളിൽക്കൂടി കൈകാര്യം ചെയ്താൽ ഒരു നിശ്ചിത ആന്റിനാ തന്നെ ഉപയോഗിച്ച് LSBയിലും USBയിലും ഒരേ സമയം ട്രാൻസ്മിഷൻ നടത്താൻ സാധിക്കും - അതും രണ്ട് വ്യത്യസ്ത ഇന്റലിജൻസ് മോഡുലേഷനിൽ. SSB യുടെ മറ്റൊരു പ്രത്യേകത, ട്രാൻസ്മിറ്റർ ഉപയോഗിക്കുന്ന ആളിന്റെ ശബ്ദത്തിനനുസരിച്ച് സ്പീച്ച് ആമ്പ്ലിഫയർ സ്റ്റേജുകൾ ഡിസൈൻ ചെയ്യണമെന്നുള്ളതാണ്. ബാലൻസ്ഡ് മോഡുലേറ്ററിലേക്ക് കൊടുക്കുന്ന ഓഡിയോ സിഗ്നൽ സ്ട്രെങ്ത്ത് കൂട്ടുകയോ കുറക്കുകയോ ചെയ്യുന്നതിനനുസരിച്ച് ഔട്ട് പുട്ട് പവറിൽ കാര്യമായ വ്യത്യാസം വരും. പവ്വർ കണ്ട്രോൾ ആയി ഈ സൗകര്യം പ്രയോജനപ്പെടുത്താം. VFO ഫ്രീക്വൻസിയുമായി മിക്സ് ചെയ്യുന്ന 9Mhz സൈഡ് ബാന്റ് കാരിയറിന്റെ ശക്തി ക്രമീകരിച്ചും ലളിതമായി ഔട്ട് പുട്ട് നിയന്ത്രിക്കാം. 

ഒരു ബാന്റ് പാസ്സ് ഫിൽട്ടർ ഉപയോഗിക്കുമ്പോൾ ഇൻപുട്ട് ഔട്ട് പുട്ട് ഇമ്പിഡൻസുകൾ മാച്ചു ചെയ്തിരിക്കണമെന്നും രണ്ടു സിഗ്നലുകളും നന്നായി വേർതിരിക്കപ്പെട്ടതായിരിക്കണമെന്നും നിർബന്ധമുണ്ട്. ഈ രണ്ടു ജോലിയും ക്രിസ്റ്റൽ ഫിൽട്ടർ നന്നായി ചെയ്യും. ഫിൽട്ടറിലൂടെ കടന്നു വരുന്ന സിഗ്നലിന്റെ ക്വാളിറ്റി നന്നായിരിക്കണമെങ്കിൽ ഇൻപുട്ടിൽ പവർ സപ്ലൈ ഇടപെടലുകളും ഉണ്ടാവരുതെന്നു മാത്രമല്ല ഇൻപുട്ട് സിഗ്നലിന്റെ ശക്തി ഒരു നിശ്ചിത ലെവലിൽത്തന്നെ ആയിരിക്കുകയും വേണം. മിക്സറിലേക്കു കൊടുക്കുമ്പോൾ 9 Mhz സൈഡ് ബാന്റ് കാരിയർ സ്ട്രെങ്ത് വേണ്ടത്ര ആയിരിക്കാൻ വേണ്ടി ചിലപ്പോൾ പോസ്റ്റ് ഫിൽട്ടർ ആമ്പ്ലിഫയർ സ്റ്റേജ് തന്നെ ആവശ്യമായും വന്നേക്കാം. ഇക്കാര്യങ്ങളൊക്കെ അതാതു സർക്യുട്ടൂകളുടെ പ്രത്യേകതകളനുസരിച്ചു പരിഗണിക്കുക. 

Parts List:  C-21/2
TR1	BF966		R6	100Ω		C5	0.1μF
TR2, TR3	BC109		R8	560Ω		C6, C11, C13	150PF
R1, R2, R7	100 KΩ		C1	1000PF		C10	330 PF
R3	150Ω		C2, C7, C9	47PF		C12	180PF
R4	150KΩ		C3	0.001 μF
R5	22KΩ		C4,C14,C15	0.01 μF
T1	Primary: 10 turns of 40SWG on 1cm IFT. Secondary: 4 turns of 40 SWG
T2	18 turns of 40 SWG on can type Philips SW antenna coil
T3	Primary: 4 turns of 40SWG on 1cm IFT. Secondary: 10 turns of 40 SWG
RFC1	100 turns of 40 SWG on 1cm IFT drum (open)
RFC2	20 turns of 40 SWG on 1cm IFT drum (open)
L1, L2	6 turns of 40 SWG on 1cm IFT drum (open)
Note:	1) No. of turns vary according to core charectaristics. 2) Adjust L1, L2, and L3 to highest 7 Mhz output

SSBട്രാൻസ്മിറ്ററുകളുടെ സുപ്രധാനമായ ഒരു ഭാഗമാണു മിക്സർ. ഇവിടെയാണു ട്രാൻസ്മിഷൻ ഫ്രീക്വൻസി രൂപം കൊള്ളുന്നത്. ഒരു സിങ്കിൾ എന്റഡ് ട്രാൻസിസ്റ്റർ മിക്സറാണെങ്കിൽ ഔട്ട്പുട്ടിൽ നിരവധി സിഗ്നലുകളുണ്ടാവും. മികച്ച ഒരു ബാന്റ് പാസ്സ് ഫിൽട്ടറിനു പോലും തൊട്ടടുത്തുള്ള ഫീക്വൻസികളുടെ ആമ്പ്ലിറ്റ്യൂഡ് കുറക്കാൻ കഴിയില്ല. ലീനിയർ ആമ്ലിഫയർ വാൽവാണെങ്കിൽ ഒരോ സ്റ്റേജിലും ഉപയോഗിക്കുന്ന റ്റ്യൂൺഡ് സർക്യുട്ടുകൾ ധാരാളം മതി ഈ ജോലി ചെയ്യാൻ. ഫൈനൽ സ്റ്റേജ് സോളിഡ് സ്റ്റേറ്റാണെങ്കിൽ കൃത്യമായും ട്രാൻസ്മിഷൻ സിഗ്നൽ മാത്രമേ മിക്സറിൽ നിന്നും പുറത്തു വരാവൂ. ഇതിനു ചിലപ്പോൾ ട്രാപ്പുകൾ തന്നെ വേണ്ടി വരും. ഇതൽപ്പം കൂടി വിശദീകരിക്കാം.

7Mhz ട്രാൻസ്മിഷന് 2 Mhz VFO സിഗ്നലും 9Mhz SSB സിഗ്നലുമായി മിക്സ് ചെയ്യുമ്പോൾ ഔട്ട് പുട്ടിൽ 7Mhz ന്റെ റ്റ്യൂൺഡ് സർക്യുട്ടായിരിക്കുമല്ലൊ ഉണ്ടായിരിക്കുക.  ഈ ഫിൽട്ടറിലൂടെ അൽപ്പം 9 Mhz ഉം കടന്നു പോകും. ഈ 9Mhz സിഗ്നലിനെ ഒഴിവാക്കാൻ ഉദ്ദേശിച്ച് ഒരു ട്രാപ്പ്, സർക്യൂട്ടിൽ ചേർക്കാം. ചിത്രം C-21/2 7 Mhz ന്റെ ഒരു മിക്സർ സർക്യുട്ട് കൊടുത്തിരിക്കുന്നു. ഇതിൽ T2, 9Mhz നു റ്റ്യൂൺഡ് ആയിരുന്നാൽ 9 Mhz സിഗ്നൽ ഗ്രൗണ്ട് ആവും. T2 ഉപയ്യോഗിക്കുന്നില്ലാതെയെങ്കിൽ 47PFന്റെ കപ്പാസിറ്ററുകൾക്കു പകരം 22PF ന്റെ ഒരു കപ്പാസിറ്റർ ഉപയോഗിച്ചാൽ മതി. ഈ രീതി ഏതുതരം മിക്സറിലും പ്രയോജനപ്പെടുത്താം. ഏറ്റവും നല്ലത് CA3028,  MC1496 (Motrola), NE 602 തുടങ്ങിയ ഏതെങ്കിലും IC ഉപയോഗിച്ചുള്ള ഡബിൾ ബാലൻസ്ഡ് മിക്സറുകളായിരിക്കും. 7Mhz ന്റെ ഔട്ട് പുട്ടിനു വേണ്ടി 2 Mhz ഉം 9 Mhz  മിക്സ് ചെയ്താൽ ഡബിൾ ബാലൻസ്ഡ് മിക്സറിന്റെ ഔട്ട് പുട്ടിൽ (9 - 2 =) 7Mhz ഉം (9 + 2 =) 11Mhz ഉം മാത്രമേ ഉണ്ടായിരിക്കൂ. ഇവിടെ VFO  ഔട്ട് പുട്ടിലെ ലോ പാസ്സ് ഫിൽട്ടർ ആവശ്യമില്ല. മിക്സറിന്റെ ഔട്ട് പുട്ടിൽ മാത്രമല്ല ഏതു സ്റ്റേജിലാണെങ്കിലും ഒരു നിശ്ചിത ഫ്രീക്വൻസിക്കു വേണ്ടി കോയിലുകൾ നിർമ്മിക്കുമ്പോൾ ഉദ്ദേശിക്കുന്ന ഫ്രീക്വൻസി കൈകാര്യം ചെയ്യാൻ കഴിവുള്ള കോറാണോ ഉപയോഗിക്കുന്നതെന്നുറപ്പാക്കണം. TV യിൽ IF നിർമ്മിക്കാൻ ഉപയോഗിക്കുന്ന നിയോസൈറ്റ് കോറുകളും ഫിലിപ്സ് ഷോർട്ട് വേവ് ആന്റിനാ കോയിലുമൊക്കെ HF ൽ ഉപയോഗിക്കാം.

മിക്സർ ആമ്പ്ലിഫയറിലാണെങ്കിലും തുടർന്നുള്ള ലീനിയർ ആമ്പ്ലിഫയറിലാണെങ്കിലും ഉപയോഗിക്കപ്പെടുന്ന ട്രാൻസിസ്റ്ററുകൾ ഉദ്ദേശിക്കുന്ന ഫ്രീക്വൻസി കൈകാര്യം ചെയ്യാൻ ശേഷിയുള്ളതായിരുന്നാൽ മാത്രം പോരാ, നോയിസ് ജനറേറ്റ് ചെയ്യാത്തതുമായിരിക്കണം. ആദ്യ സ്റ്റേജുകളിൽ BC109 ട്രാൻസിസ്റ്ററുകൾ നന്നായി പ്രവർത്തിക്കും. കാർബൺ റസിസ്റ്ററുകൾ യഥേഷ്ടമുപയോഗിക്കുമ്പോഴും സൂക്ഷിക്കേണ്ടതുണ്ട്. എമിറ്ററുകളിൽ കാർബൺ റസിസ്റ്ററുകൾ സെൽഫ് ഓസിലേഷനു കാരണമാകും. ഒന്നുകിൽ കോമ്പൊസിഷൻ കാർബൺ (CC) റസിസ്റ്ററുകളോ അല്ലെങ്കിൽ ചെറിയ ബലൂൺ കോറിൽ ഏതാനും ചുറ്റുകളിട്ടോ (ഫ്രീക്വൻസിക്കനുസരിച്ച്) എമിറ്ററുകൾ ഗ്രൗണ്ട് ചെയ്യുകയാണുചിതം. SSB ട്രാൻസ്മിറ്ററുകൾ രൂപകൽപ്പന ചെയ്യുമ്പോൾ ഓരോ സ്റ്റേജും ഓരോ മോഡ്യൂളായി പ്രത്യേകം പ്രത്യേകം കമ്പാർട്ടുമെന്റിൽ ആയിരിക്കുന്നതുപോലെ ഡിസൈൻ ചെയ്താൽ, സ്റ്റേജുകൾ തമ്മിലുള്ള ഇന്റർഫിയറൻസ് കുറയ്കാനും കുഴപ്പമുള്ള സ്റ്റേജുകൾ എളുപ്പത്തിൽ റിപ്പയർ ചെയ്യാനും സാധിക്കും. ചിത്രം C-21/1ൽ 9Mhz ഫിൽട്ടറുപയോഗിക്കുന്ന ഒരു സൈഡ് ബാന്റ് ഫിൽട്ടർ സർക്യുട്ട് കൊടുത്തിരിക്കുന്നു. ഈ മോഡ്യൂൾ മാത്രം മാറ്റി ലാഡർഫിൽട്ടർ സർക്യൂട്ട് ചേർക്കാവുന്നതാണ്. ട്രാൻസീവറായാണുദ്ദേശിക്കുന്നതെങ്കിൽ 9Mhz ലേക്കു മാറ്റപ്പെടുന്ന റിസീവർ സിഗ്നൽ ഫിൽട്ടർ ചെയ്യാനും ഇതുപകരിക്കും. അതിനുള്ള മാർഗ്ഗങ്ങളും  ചിത്രം C-21/1 ൽ ചേർത്തിരിക്കുന്നു. ഇനി ഒരു ലീനിയർ ആമ്പ്ലിഫയർ സർക്യൂട്ട് കൂടി വിശകലനം ചെയ്യപ്പെട്ടാൽ ഒരു 40 M ട്രാൻസീവറിന്റെ എല്ലാ സ്റ്റേജുകളും പൂർണ്ണമാവും.

അദ്ധ്യായം 20                                                                        അദ്ധ്യായം 22